Преглед

Главна тема:
50 ГОДИНИ ОД СКОПСКИОТ ЗЕМЈОТРЕС,
50 ГОДИНИ АСЕИЗМИЧКО ПРОЕКТИРАЊЕ
Некои настани остануваат трајно врежани во човековото сеќавање. Таков е случајот со скопскиот земјотрес од 1963 година. Настан што предизвика пресврт во градежното инженерство не само во Македонија и поранешна Југославија, туку и многу пошироко. ДГКМ ја одбележува 50-годишнината од земјотресот, посветувајќи го својот 15. Меѓународен симпозиум на квалитетното проектирање и изведба, сеизмичкото зајакнување, санацијата, мониторингот и одржувањето на конструкциите како основен предуслов за заштита од природни непогоди.
Во соработка со Комората на овластени архитекти и овластени инженери на Република Македонија, тркалезната маса: „Овластувања – права и одговорности“ ќе биде организирана во рамките на Симпозиумот.